Услови за користење

Почитувани членови на Slikicki.com,

Slikicki.com е сајт чија што основна намена е размена на сликички и дружење на колекционерите. Со зачленувањето на Slikicki.com добивате пристап до колекциите со сликички, нивните колекционери како и информации за вашите албуми.

Пред да се зачлените на Slikicki.com ве молиме внимателно да ги прочитате Условите и Политиката за тајност.

Податоци за зачленување

Зачленувањето на Slikicki.com е бесплатно! Секој има право на зачленување и избор на корисничко име.

За да се зачлените на Slikicki.com ќе ви бидат потребни само валидна e-mail адреса, корисничко име и лозинка. По вашето зачленување Вие сте целосно одговорни за користењето на вашето корисничко име и лозинка, како и за било која промена која настаната преку вашата корисничка сметка.

Сопственички права во содржината на страната

Сите внесени податоци од страна на корисниците се во нивна сопственост. Веб сајтот и неговите изработувачи не одговараат за содржините внесен од страна на корисниците.

Услови за користење на страната

Со вашето зачленување на Slikicki.com вие се согласувате со следниве услови:

  • Вашето членство ќе биде во ваше име и со ваша е-маил адреса и нема да се зачленувате во име на друго лице.
  • Нема да ги користите e-mail адресите или другите контакт информации на корисниците на сајтот, за да испраќате вознемирувачки пораки, реклами, ланчани пораки или да остварите несакан контакт.
  • Нема да барате лични податоци од малолетни лица како и лозинки и лични податоци од членовите на Slikicki.com кои потоа ќе ги употребите во комерцијални или незаконски цели.
  • Нема да се служите со материјал кој е лажен, клеветнички, злоупотребен, вулгарен, полн со омраза (расна, национална, полова, културна или лична), вознемирувачки кон другите членови и материјал кој ја повредува приватноста на членовите.
  • Нема да нудите материјал кој е авторски заштитен или без дозвола на сопственикот на материјалот.
  • Нема да се рекламирате со цел да остварите сопствен интерес. Секој линк кој води кон друга интернет страница и претставува тенденциозно рекламирање на истата ќе биде избришан. Ако сакате да се рекламирате на Slikicki.com, контактирајте со нашиот маркетинг оддел.
  • Нема да нудите линкови кои водат до страници на кои се нуди илегално симнување на софтвер, музика, филмови и други лиценцирани материјали, како и страници кои содржат вируси, тројанци и друг материјал кој може да наштети на Slikicki.com и членовите.
  • Администраторите на Slikicki.com го задржуваат правото без претходна најава да ги избришат сите информации приложени на сајтот од страна на членовите со кои се кршат правилата. Тоа вклучува коментари објавени на блогот, галеријата, информации за корисникот, аватари, потписи, па дури и целото корисничко име - доколку тие одлучат дека тоа е потребно.
  • Ќе ги испорачате сликичките на колекционерите со кои сте се договориле да разменете сликички.

Кршењето на правилата може да резултира со забранет пристап на сајтот на одреден временски период или трајно. За времетраењето на забраната одлучуваат администраторите, а членот ќе биде известен за причината и рокот на истекување.

Членовите на кои им е забранет пристапот на сајтот (привремено или трајно) не смеат да се зачленат повторно. Доколку се случи тоа, тие ќе бидат трајно отстранети од сајтот.

Ако при кршењето на правилата се повредени меѓународните или локалните закони доколку е потребно, администраторите ќе соработуваат со сите домашни и странски правни институции, откривајќи ги сите потребни информации на прекршителот (IP адреса, e-mail...).

Сите мислења и информации објавени од членовите претставуваат лични ставови кои авторите ги објавуваат на сопствена одговорност. Од тука, сопствениците и/или уредниците на Slikicki.com не се одговорни за содржината на пораките кои се објавени од членовите.

Slikicki.com го задржува правото на промена на правилата, но се обврзува истите да ги соопшти во најкраток можен рок.

ЧПП Услови Приватност Маркетинг Помош
Show: Session | Cookies (0) | Params (3) | Filters | Routes | Env | Queries (2) | General Debug